ڕۆژا چارشەمبی ڕێـــککــەڤتی ٥-٦-٢٠٢٤ زانکۆیا زاخۆ و زانکۆیا سۆران ب هەماهەنگی لگەل ئیدارا سەربەخۆیا زاخۆ، سەمپۆزیۆمەکا تایبەت ب ئاسایشا خوراکی ل هەرێما کوردستانێ پێشکێشکرن
سەمپۆزیۆم ب دوو پەنەڵ و بابەتێن جودا جودا یێن گرێدایی ئاسایشا خوراکی و پلان و ستراتیجیەت شرۆڤەکرنا خوراکێ حکومەتا هەرێما کوردستانێ، هەروەسا چاوانیا باشترکرنا و بەرهەمئینانا خوراکی و پاراستنا سامانێ ئاڤێ و ئاڤدانا دورست هاتنە پێشکێشکرن.
ل دوماهیێ گەنگەشەیێن زانستی و دانوستاندن هاتنە کرن و هزر و بوچوونێن ئامادەبوویان هاتنە وەرگرتن و دێ ژلایێ لژنێن زانستی یێن هەردوو زانکۆیان بابەت هێتە هنارتن بۆ دەمودەزگەهێن بلند یێن پەیوەندیدار ب بابەتی، پاشان ل دەمژمێر ٦ــی  ئێڤاری ل کۆڕنیشێ پرا دەلال ب ئامادەبوونا سەرۆکێ زانکۆیێ بەرێز (پ.د. ناظم سليمان جقسی) و لگەلدا ستافێ زانکۆیێ و مێهڤانێن هەردوو زانکۆیان، ڤیستەڤاڵەکا تایبەت ب بەرهەمێن خومالی بڕێڤەچوو و تێدا چەندین بەرهەمێن خوراکی یێن خومالی هاتنە نیشاندان و دێ بۆ دەمێ دوو ڕۆژان بەردەوام بیت.